"Merkilegt að týna sjálfum sér án vitundar um það fyrr en maður á kost á þessu dýrmæta námi. Nám án allrar tilsagnar eða fylllyrðinga hvernig ég á að vera eða hvað mér á að finnast heldur leiðsögn, stuðningur og hvatning til að vera ég sjálf. Njóta þess sem mér var gefið í vöggugjöf, þess sem nærir mig og gleðir. Stórkostlegt að finna að þetta átti ég allt var bara búin að týna því í amstri lífsins. Mæli með þessu námi ef þú vilt meiri lífsfyllingu, gleði og kærleika í líf þitt. Takk fyrir mig !"
– Inga Birna Sigurðar

"Ég var búin að taka eftir þessu námi á fb og fannst þetta mjög áhugavert “ Andleg einkaþjálfun” en vissi í raun og veru ekkert mikið um þetta nám en var oft að hugsa um það þegar ég sá það auglýst á fb.  Eftir erfitt ár 2023 poppaði aftur upp þessi auglýsing á þessu námi og ég hugsaði mig ekki tvisvar um, þetta var eitthvað sem ég þurfti inn í líf núna !  innsæið mitt sagði það.  Ég sé svo sannarlega ekki eftir því að hafa fjárfest í sjálfri mér.  Þetta nám var akkúrat sem ég þurfti inn í líf mitt.  Ég hafði nýlega prófað 3 tíma hjá sálfræðingi en það bara hentaði mér alls ekki það vantaði eitthvað meira fyrir mig til að vinna með.  Ég hef fundið fyrir þvílíkri breytingu og betri líðan með mig sjálfa, með öllum þeim fróðleik, verkefnum, viðtölum sem við fáum á þessu 12 mánaða tímabili í náminu. Þessi fjárfesting í okkur sjálfum í okkar eigin heila/hugsunum verður aldrei tekið frá okkur.  Það er svo dásamlegt Þegar maður finnur hvernig hægt er að njóta lífsins enn betur og að læra að elska sig eins og maður er að verða meðvituð með sýnar hugsanir og líðan og geta deilt því til annarra. Að fjárfesta í sjálfum sér er það besta sem ég hef gert.  Ég er svo þakklát alla daga fyrir líf mitt og tek á móti þeim verkefnum sem mér er falið án þess að ofhugsa hlutina með áhyggjum og kvíða. Að trúa að treysta lífinu og einblína á það jákvæða og góða sem lífið færir okkur og líka að leyfa sér að gera mistök án þess að rífa sig niður í vanlíðan  heldur að læra af þeim og að sýna sér mildi. Það er svo dásamleg tilfinning að standa með sjálfri sér í blíðu og stríðu.  Frelsið fellst svo sannarlega í hugarfarinu. Ég segi TAKK ! alheimur fyrir að hafa leitt mig á þann stað sem ég er stödd á í dag. Ég er mjög þakklát fyrir lífið og lærdóminn. Lífið er svo sannarlega dýrmætt."
- Sóley Einarsdóttir 

"Ég sá auglýsinguna um andlega einkaþjálfun á Facebook, ég fann strax að þetta væri eitthvað sem ég þyrfti að gefa mér! Og sé svo sannarlega ekki eftir því, þvílíkur viðsnúningur á lífi og líðan. Í dag hugsa ég svo allt öðruvísi og sé lífið með öðrum augum! Ég er hamingjusöm í eigin skinni og elska sjálfan mig skilyrðislaust, ég hef mun meiri orku og er búin að læra að hlusta á lífið. Ég framkvæmi drauma mína og fer mínar leiðir án þess að hika eða vera með kvíðahnút í maganum! Ég segi bara besta ákvörðun sem ég hef tekið í mínu lífi! Fjárfesting í eigin heilsu er góður grunnur að farsælu lífi!"
- Katrín Kristinsdóttir 

"Mér líður í alla staði miklu betur. Fór í námið til að vera betur í stakk búin til að vinna með syrgjendum sem úfararstjóri en ekki vegna neinnar vanlíðanar hjá mér. Er búin að komast að því núna að þetta nám var það besta sem ég gat gert fyrir sjálfa mig og bara mig. Ég er hreinlega frábær eins og ég er, fullkomlega fær um að taka ákvarðanir um mitt líf og má njóta þess sem ég elska. Það er mikið frelsi og vellíðan að komast að því. Einnig þurfti ég að sættast við æskuna mína og það hefði ég ekki gert nema byrja í þessu námi og ekki gert mér grein fyrir því hvað hún hafði mikil áhrif á líf mitt. Elsku Hrafnhildur, takk fyrir þetta frábæra nám. Með fræðslu, verkefnum, spjalli og hlýju hefur þú gefið mér styrkinn til að trúa á innsæi mitt, styrk minn og getu til að njóta lífsins enn betur á mínum forsendum, vilja og löngun. Þú hafðir öll verkfærin til þess leiðbeina mér en vinnan var mín og það er það dýrmætasta að mínu mati. Enginn uppskrift um hvernig maður á að vera heldur finna styrkleikana sína og kjarnann. Við eigum öll svo margt fallegt og dýrmætt en gleymum því í amstri dagsins og hraðanum allt í kring."
- Inga Sigurðar

"Hvar á ég að byrja... Andleg einkaþjálfun hefur gefið mér mig aftur. Ég hef lært svo ótrúlega mikið inn á mínar tilfinningar og hugsun. Ég dvel svo miklu, miklu styttra í neikvæðni og efasemdum um sjálfa mig. Ég hef loksins trú á sjálfri mér og því sem ég tek mér fyrir hendur. Ég er ekki fullnuma og verð það aldrei frekar en neinn annar því lífið er fullt af áskorunum. Ég er hins vegar búin að læra að tækla áskoranir í lífinu betur. Ég er jákvæðari og tilbúnari að lifa lífinu. Ég er farin að láta drauma mína rætast."

"Nú er ég á lokametrunum í að verða Andlegur Einkaþjálfari. Búin að læra svo ótrúlega margt um alheiminn, orkur, fordóma, annað fólk en ekki síst um mig sjálfa. Mér líður eins og ég sé búin að fara í 100 sálfræðitíma og 100 sjálfsstyrkinganámsskeið og þegar ég hef lært svona mikið um sjálfa mig hef ég á sama tíma lært svo mikið um alheimsorkuna. Á sama tíma og ég hef lært að það er svo ótrúlega margt sem ég get stjórnað og haft áhrif á í mínu lífi, hef ég líka lært að það er svo ótrúlega margt sem ég hef ekki stjórn á. Ég hef læra að sjá og vera þakklát fyrir það fallega og góða í mínu lífi á sama tíma og ég hef lært að vera þakklát fyrir það erfiða og krefjandi í mínu lífi. Allt bæði það góða og það krefjandi er lærdómur sem geri okkur að þeim manneskju sem við erum í dag. Það er svo okkar verkefni að meðtaka lærdóminn og láta gott af okkur leiða. Eftir þetta nám er ég auðmjúk og þakklát á sama tíma og ég er bjartsýn og full eldmóð. Þetta nám gerði mig ekki sterkari, heldur kenndi mér að sjá hvað ég ER sterk."
- Ásdís

"Þegar ég skráði mig í þetta nám vissi ég ekkert út í hvað ég var að fara en ákvað að fylgja innsæi mínu og stökkva út í djúpu laugina. Ég vissi að ég vildi fara í nám sem gæti hjálpað bæði mér og öðrum að líða betur. Það hefur lengi blundað í mér að hjálpa öðru fólki en hef ekki haft sjálfstraustið í það. Ég valdi frekar að vera í örygginu en það gerði ekkert nema að viðhalda minni vanlíðan. Um leið og ég tók ákvörðun um að stíga stórt skref út fyrir þægindaramma minn og skrá mig í þetta frábæra nám fór mér að líða betur bæði líkamlega og andlega. Nú mörgum mánuðum seinna sé ég svo sannarlega ekki eftir því og þetta nám og þið yndislegu kennarar, Hrafnhildur og Rakel, hafa hjálpað mér að komast út úr mínum eigin ofhugsunum, vanlíðan og litla sjálfstrausti. Ég hef aldrei verið jafn þakklát né jákvæð eins og nú og hef í fyrsta sinn trú á að ég get hjálpað örðu fólki að líða betur. Kærar þakkir elsku Hrafnhildur fyrir að setja upp þetta frábæra og skemmtilega nám og deila þinni visku og kærleik með okkur."
- Margrét

"Þetta nám er sú allra besta ákvörðun sem ég hef tekið. Námið hefur gefið mér svo  margt eins og aukið sjálfstraust, styrk og von fyrir að lífið geti verið betra því allt snýst þetta um okkar eigið hugarfar. Hrafnhildur leiðir mann svo vel í gegnum námið og er alltaf til staðar fyrir mann, hlustar vel og kemur með nýja sýn á hlutina.
Þegar ég byrjaði hjá Hrafnhildi var ég algjörlega brotin og vanmáttug í þeim aðstæðum sem ég var í og sá enga framtíð né von framundan hún er búin að vera kletturinn minn í þeim aðstæðum og námið var himnasending sem ég þurfti svo sannarlega á að halda á þeim tíma.  Mæli svo sannarlega með þessu námi, ef þú ert tilbúinn að styrkja þig og fá meira út úr lífinu.  Hrafnhildur er algjör perla, ráðagóð, hvetjandi, hjartahlý og skemmtileg.  Er á allt öðrum og betri stað en þegar ég byrjaði hjá henni."
- Sibba

"Mikið er ég þakklát fyrir námið og allt sem ég hef lært um hugann, ég á engin orð nógu sterk til að lýsa því hversu mögnuð áhrif þessi viska hefur haft á mig og mitt líf. Þegar ég lít til baka þegar við byrjuðum í janúar 2022, man ég að ég taldi mig vera á nokkuð góðum stað andlega, ég var búin að takast á við mörg verkefni og moka fullt af skít. Í dag er ég önnur manneskja, ég hef stækkað og vaxið mikið andlega, og mér finnst svo magnað að líta yfir farin veg og skoða hvernig ég hef nýtt mér viskuna úr náminu og hvernig hún hefur smátt og smátt verið að setjast í kerfin mín, það er svo margt sem hefur breyst. Ég leiddi hugann að því hvað ég hef farið á mörg námskeið og fyrirlestra í gegnum tíðina um ýmislegt sem tengist andlegri heilsu og líðan, og man hve upprifin ég var oft og hugsaði að nú myndi eitthvað breytast. En það er ekki fyrr en nú að ég var tilbúin að gera varanlegar breytingar. Og það sem er að gera gæfu muninn tel ég vera tímalengd námsins, ég fæ smáskammta af visku reglulega og aðlagast, æfi mig og iðka. Takk fyrir mig” ❤
- Edda

"Ég hafði ekki hugmynd um hvað andleg einkaþjálfun var þegar ég sá það fyrst auglýst. Ég man að ég sendi fyrirspurn í ágúst um námið og vil meina að alheimurinn hafi stýrt því að ég átti ekki að fara strax í þetta nám fyrr en í janúar sl þegar ég sá það aftur auglýst. Algjörlega á hárréttum tíma í mínu lífi þar sem ég var að ganga í gegnum ,,kulnun,, sem fylgdu mikil andleg þyngsli og sorg. Ég hafði engu að tapa allt að vinna með náminu þegar ég skoðaði út á hvað það gengur. Himnasending og þvílík umbreyting á einni manneskju, mér hefur aldrei liðið eins vel í eigin skinni eins og ég geri núna. Ég er búin að læra svooo mikið um fjölbreytta sjálfsrækt og til þess að gera róttækar breytingar í mínu lífi þá þarf að læra meira en einungis að fara á eitt námskeið. Því er þetta nám svo mikil snilld í 13 mánuði og gefur mér að endingu leyfi til að starfa sem Andlegur einkaþjálfari. Uppbyggingin á þessu námi er frábær í alla staði og kennararnir þær Hrafnhildur, Kolbrún og Rakel eiga svo stóran þátt í því hvar ég er stödd andlega í dag. Konur með stórt hjarta, konur fullar af endalausum kærleika, konur sem eins og ég hafa gengið í gegnum sitt en tilbúnar að deila og vera til staðar fyrir aðra. Ást og þakklæti eru mér efst í huga til ykkar kjarnakonur, ég mæli hiklaust með þessu námi og get ekki dásamað það nóg. Ef allir færu í svona nám, tilbúnir að vinna í massívri og markvissri sjálfsrækt, þá er það engin spurning að MARGT yrði svo miklu betra. --Ást og Kærleikur--"
- Guðrún Birna

"Þegar ég skráði mig í nám í andlegri einkaþjálfun óraði mig ekki fyrir þeirri breytingu sem átti eftir að gerast í mínu lífi. Ég er svo óendanlega þakklát kennurunum okkar sem eru svo innilega dásamlegar, og þá sérstaklega Hrafnhildi fyrir að hafa lagt í þetta risa verkefni að setja þetta nám saman, án hennar væri ég ekki á þeim stað sem ég er á í dag. Það er svo dýrmætt að getað fyrirgefið og mætt hverjum degi með jákvæðni og gleði og læra að elska lífið og sjálfa mig. Að finna fyrir allri þeirri ást, hamingju og kærleik sem umvefur mig alla daga er svo magnað og getað dregið lærdóm af öllum þeim hindrunum sem hafa verið lagðar fyrir mig í lífinu, þetta lærði ég einfaldlega með þeim verkfærum sem mér voru rétt í þeirri andlegu vegferð sem ég lagði af stað í, þegar ég tók eina af bestu ákvörðun sem ég hef nokkurn tíma tekið."
- Sonja

" Þetta er besta gjöfin sem ég hef gefið sjálfri mér, ég elska þetta nám og þessa kennara þvílíkir gullmolar sem þær eru og Hrafnhildur á stærsta og mesta hrós skilið fyrir frábæra uppsetningu á náminu. Ég var orðin rosalega andlega þreytt þegar að ég skráði mig í þetta nám, ég var að týna sjálfri mér í hugsunum mínum og leyfði huganum að taka yfir ég var hætt að stjórna, hugsanirnar stjórnuðu mér en í dag stjórna ég og þvílíkur munur. Ég hef náð órtúlega góðum árangri með hugsanir mínar, gleðina, jákvæðnina, þakklætið og kærleikinn en það besta er að ég lærði að elska sjálfa mig og þá get ég gefið svo miklu meira af mér. Það hefur orðið mikil breyting á mér á stuttum tíma og í dag er ég þakklát fyrir allar þær hindranir sem orðið hafa á vegi mínum í gegnum lífið og ég hef fyrirgefið bæði þeim og sjálfri mér því án allra þessara erfiðleika væri ég ekki hér í dag standandi upprétt með hendur upp í loft og með kreppta hnefa eins og sannur sigurvegari öskrandi af gleði. "
- Íris Fönn 

"Besta ákvörðun sem ég hef tekið á ævi minni. Ég mæli 100% með þessu námi, Því það sem ég hef upplifað er allveg magnað, ástin, kærleikurinn, skilningurinn, þakklætið, fyrirgefningin, öryggið, umhyggjan, virðingin, meðvitundin, frelsið og nýja ég er dásamlegt. Allir eiga skilið að velja sig alltaf og geta valið sig án þessa að dæma og þetta nám færði mig nær mínum kjarna meira en ég hefði nokkurn tíman grunað um. Í dag ber ég fulla ábyrgð á mínu lífi og hvernig mér líður, ég ber fulla ábyrgð á tilfinningum mínum, viðbrögðum mínum og orðum mínum, ég einbeiti mér af því sem ég vil að vaxi og ég dreymi stórt. Ég skil í dag hver ég er og afhverju ég er eins og ég er og ég elska það. Takk veikindi, takk hugur og takk allir fyrir öll verkefnin sem ég hef gegnið í gegnum því án ykkar væri ég ekki hér í dag, akkúrat á þeim stað sem ég vildi hvergi annarstaðar vera. 
Takk Hrafnhildur fyrir þetta frábæra nám."
- Lucy Anna 

“Ég er búin með fyrstu önnina mína í að verða andlegur einkaþjálfari en fyrir rúmu ári síðan kláraði ég árs vinnu í andlegri einkaþjálfun hjá Hrafnhildi. Ég er ótrúlega þakklát fyrir að fá að fara í gegnum þetta ferli aftur en í fyrra skiptið kom ég inn með ákveðið verkefni sem ég þurfti að vinna í og vinnan sem ég vann hefur svo sannarlega bætt lífið. Núna fer ég gegnum þetta ferli á annan hátt þar sem ég er ekki að einblína bara á eitthvað eitt verkefni heldur bara að auka hamingjuna og vonandi get ég í framhaldinu hjálpað öðrum að líða betur. Hrafnhildur er einstök. Hún hjálpar manni að horfa á lífið út frá öðrum hliðum og hvernig maður sjálfur getur bætt líðan sína og aukið sína hamingju. Andleg einkaþjálfun er eitthvað sem allir ættu að skoða því andlega heilsan okkar er ekki síður mikilvæg en líkamleg heilsa. Maður þarf ekki að vera að ganga í gegnum erfiðleika til þess að að fara í gegnum andlega einkaþjálfun heldur bara til þess að auka lífsgæði og hamingju sína.“
  - Arna

“Nám í andlegri einkaþjálfun hjá Hrafnhildi hefur gefið mér kraft og verkfæri til þess að finna sjálfa mig á ný. Áður en ég hafði samband við Hrafnhildi var ég komin svo langt frá mínu sjálfi að ég þekkti mig ekki lengur og fann lítinn tilgang í lífinu annan en að hugsa um aðra. Í dag set ég mig í forgang. Að rækta andlegu hliðina er besta gjöfin sem ég hef gefið sjálfri mér.”
- Rósa Líf

“Ég er mjög ánægð með Hrafnhildi sem kennara/leiðbeinenda, það er hægt að treysta henni fyrir öllu, hún er fylgin sér og tekur vel utan um nemandann hvort sem er í hóp eða einkatímum. Hrafnhildur gefur sér góðan tíma og svarar öllu fljótt og vel. Mér líður eins og að ég sé í einkanámi með besta kennarann hvað varðar andlegu hliðina og manni finnst maður vera alltaf nr. 1.“
- Svava

“Þetta nám er einfaldlega það besta sem ég hef nokkurn tíman gefið sjálfri mér, ég hafði svosum engar væntingar því ég vissi eiginlega ekki hvað ég væri að fara útí, ég bara vissi að ég ætti að hlusta á innsæið og ská mig og ég á eftir að þakka sjálfri mér fyrir það það sem eftir er af mínu lífi. Ég er betri ég!”
- Arnbjörg 

 “Þegar ég skráði mig í andlega einkaþjálfun þá var ég ótrúlega týnd með sjálfa mig, ég var með lítið sjálfstraust, var þunglynd og gerði allt fyrir alla og setti mig í síðasta sætið. Þegar ég byrjaði í andlegri einkaþjálfun þá fór ég að vinna að byggja mig upp. Hrafnhildur hjálpar mér að taka eitt lítið skref í einu þannig ég veð ekki áfram. Nú í dag er ég mikið lífsglaðari, jákvæðari og ánægðri með sjálfa mig.  Þetta er vegferð sem ég hefði ekki vilja sleppa og hef gert ótrúlega mikið fyrir mitt líf.”
- Helga Katrín

“Andleg einkaþjálfun er það sem hefur skilað mér góðri sýn á tilfinninga rússíbana sem ég hef verið í sl 30 ár. Hún sýnir að maður getur leyft röddinni sinni að hljóma fyrir sjálfa sig, að trúa og treysta á sjálfa sig og hjálpar manni að komast í gegnum erfiðleikana í lífinu og hvað þeir kenndu manni og gerðu mann að þeim sem maður er í dag. Ég er ofboðslega þakklát fyrir að ég er nánast kominn útúr dimmu skelinni sem lét mann vantreysta öllum og sérstaklega sjálfum sér, fyrir að hafa tilfinningar og kunna ekkert að fara með þær, yfir í það að vera kominn með skjöld fyrir sér og segja hvað manni finnst og vill. Að ég sé farinn að elska sjálfa mig, horfa á mig í spegli og hrósað sjálfri mér, sagst elska mig og hafa trú og traust á sjálfa mig, brosið mitt sést meira, sé orðið raunverulegra og andlitið mitt ber ekki þessa grímu lengur eins og það var alltaf. Ég stend betur í lappirnar og með bakið beint því bakpokinn er ekki eins þungur ennþá og léttist með hverjum mánuðinum.
Þetta er það besta sem hefur komið fyrir mig, og margt hef ég prufað og aldrei fundið mig jafn vel eins og hjá Hrafnhildi."
 - Sigríður   

"Námið í andlegri einkaþjálfun hefur gefið mér aukinn innri styrk, jákvæðari hugsun og betri líðan á svo margan hátt. Hrafnhildur er einstaklega góður leiðbeinandi og hjálpar manni á svo miklu jafningja grundvelli og það einstaklega gott að leita til hennar og tala við hana.
- Margrét Pálmadóttir        

 “Að fara til Hrafnhildar á mínum tíma í lífinu breytti öllu. Var leitandi að betri líðan og fannst ég ekki fá það sem ég þurfti út úr “venjulegum” sálfræði heimsóknum. Framfarir fóru fljótt að bera að í líðan þar sem bæði heimsóknirnar, verkefnin og lestur lét mig sjá hlutina í öðru ljósi. Hrafnhildur hefur hlýja nærveru sem og uppörvandi vikupóstar héldu mér við efnið. Í dag þekki ég sjálfan mig betur og er betur í stakk búin fyrir verkefni lífsins, enda opnaði þjálfunin fyrir mér nýjan heim. Endalaust þakklát fyrir að fá hana inn í líf mitt á þessari stundu. Mæli 100% með þjálfun hjá Hrafnhildi “
- Brynja

 "Ég er svo ánægð að hafa farið í andlega einkaþjálfun hjá þér og mér finnst þú frábær og yndisleg. Takk fyrir allar reynslusögurnar þínar, þær hjálpa. Ég er líka mjög ánægð með allan þann árangur sem ég er búin að ná, vá, vá, vá. Ef ég væri í líkamlegri einkaþjálfun hjá þér, þá væri ég alveg örugglega að fara að keppa í módel fitness, svo mikil er breytingin á huganum, líðaninni og lífinu. Núna lifi ég lífinu í staðinn fyrir að lifa af."
         
"Ég á bara ekki til orð yfir hvað ég hef breyst mikið á einu ári og er það líklega efni í heilan tölvupóst í viðbót. Ég er orðin svo  örugg með mig, ég veit hvað ég vil, ég segi það sem ég meina og meina það sem ég segi, ég tala frá hjartanu, ég á orðið miklu auðveldara með að gefa kærleik og taka á móti honum, ég er miklu opnari og á auðveldara með að tala við fólk, samband mitt við börnin mín hefur tekið stakkaskiptum. En það sem mér finnst mikilvægast og dýrmætast er röddin mín, bæði innri röddin mín þar sem ég tala við sjálfa mig og ytri þar sem ég tala við aðra. Ég þori að tala, ég þori að segja, ég þori að þegja, ég þori að  hlæja, syngja, góla... og ég skammast mín ekki
 - Björk

“Snemma þessa árs gekk ég í gegnum erfiðan skilnað eftir 42 ára hjónaband. Ég var algerlega sundurtætt og gjörsamlega týnd í lífinu og vissi ekki hvert ég var að fara eða í hvaða átt ég ætti að fara. Uppgötvaði að ég hafði lifað lífi makans í öll þessi ár, það var gert það sem hann vildi og ég fylgdi bara með eins og hver annar fylgihlutur. Mér leið djöfullega og vissi ekki hvernig ég gæti komist upp úr þessu ástandi. Dóttir mín benti mér á facebook síðu Andleg einkaþjálfun og að það væri einhvað sem gæti hjálpað mér. Eftir mikinn þrýsting frá börnunum mínum pantaði ég loksins tíma og sé ekki eftir því. Nú líður mér miklu betur, er farin að finna gleðina í lífinu og gleðina að vera komin úr hjónabandinu, fara að lifa fyrir mig og setja mig í forgang. Er búin með 3 mánuði og held ótrauð áfram í þessu verkefni. Áfram ég, þetta er langtíma vinna að betri líðan”.

"Ég er rosalega ánægð með þig og þetta námskeið, ég er að læra á sjálfa mig, þekkja mig, hvað ég er að hugsa og hvað mér finnst. Þetta er svo mikil sjálfsvinna, ég verð að hugsa og pæla, hvað finnst mér, hver er mín tilfinning. Kominn tími til að ég þekki sjálfa mig ekki satt. Þú hefur gert þetta svo vel og farið vel að mér. Ég hef alveg fengið að gera þetta á mínum hraða og á mínum forsendum, það líkar mér.

   “Áður en ég byrjaði í þessu þá fór ég til sálfræðings og miðað við þann tíma að þá hefðu 100 sálfræðitímar ekki komið mér á þann stað sem ég er í dag. Ég mæli 100% með Andlegri einkaþjálfun

“Búið að vera svo gott að taka skrefið og fara að hugsa aðeins um sig. Frábær þjálfun með þjálfara sem skilur svo margt og  er svo tilbúin til að hjálpa og veita aðstoð. Takk fyrir mig, margt í þessari vegferð sem kemur manni á óvart og gefur aðra sýn. Hrafnhildur er svo drífandi, jákvæð og kærleiksrík að það smitar. Hef klárlega tileinkað mér að ég sé nóg og verð alltaf nóg!  Einnig hefur sjálfstraust aukist.

  "Vá hvað það er gott að tala við þig og fá þessi ráð hjá þér. Manni líður alltaf svo vel eftir að ræða við þig að þá er bara á við góðan sálfræðitíma að mínu mati."
   - Kristín

 “Það sem mig langaði að segja þér er að ég er svo þakklátur fyrir að hafa kynnst þér og farið í þessa vegferð með þig sem minn kennara. Eins og þú veist er allt að fara á hliðina í þjóðfélaginu en ég upplifi aðra nálgun á þetta, og vil ég meina að það sé þér að þakka að ég hugsa öðruvísi en ég gerði"
- Hálfdán         

 “Þetta nám sem þú ert að koma mér í gegnum hefur gert mér svooooo mikið gott. Ég sé það á hverjum degi bara hvað mér líður miklu betur andlega og líkamlega eftir að ég byrjaði á þessu hjá þér. Þú ert snillingur! Ég hef öðlast svo miklu meiri ró og spái svo mikið í hlutunum og hvað margir eiga bara virkilega erfitt í kringum mig. Er að reyna að hætta að taka allt inn á mig, ég get ekki breytt fólki. Fólk verður að taka ábyrgð á eigin lífi. Ég ætla að lifa mínu lífi en ekki annarra hér eftir."

"Það er eins og ég hafi ekki heyrt eða séð nógu vel en sé nú komin með gleraugu og heyrnartæki! Ég er miklu meira í flæði en nokkurn tíma áður á ævinni. Ég er eiginlega alveg hætt að reyna að stjórna. Innsæið mitt hefur fengið magnara og ég hlustað betur á það og fer eftir því. Afbrýðissemin hefur minnkað verulega og ég finn sjaldnar fyrir kvíða. Það er orðið eðlilegra að ég elski sjálfa mig, beri virðingu fyrir mér og standi með mér. Þetta er orðið meira á sjálfstýringu núna"
- Björk

"Það er ótrúlegt hvað ég var búin að ganga langt á sjálfan mig áður en ég ákvað að leita mér hjálpar. Þetta ferðalag sem ég er búin að fara í með Andlegri einkaþjálfun síðustu þrjá mánuði er búið að vera magnað. Að fara í svona mikla sjálfsskoðun hefur bæði þroskað mig mjög mikið og einnig opnað augu mín fyrir því í að ég var oft að láta gamlar tilfinningar og gömul sárindi hafa áhrif á samskipti mín við fólk í dag, einnig hvað ég leyfið öðru fólki að hafa mikil áhrif á mitt tilfiningalíf.  Í dag er ég í miklu meira jafnvægi, ég get horft öðruvísi á aðstæður sem koma upp og ég geri mér fulla grein fyrir því að það
er ég sem ræð því hvernig ég bregst við aðstæðum/fólki og það er mikið frelsi að átta sig á því. Það var svo margt frá barnæsku sem var að hafa áhrif á mitt líf og að leggjast í það og greina æskuna sína er ótrúlega magnað. Það er mjög gott að eiga samskipti við Hrafnhildi og þegar ég sendi tölvupósta á hana fékk ég alltaf svar fljótt og svörin frá henni hittu beint í mark ótrúlegt en satt ég fékk á tilfinningunna að hún þekkti mig, svo hún er ótrúlega næm. Ég get ekki mælt nóg með þessu námskeiði þetta er eitthvað sem allir ættu að gera til þess að styrkja sjálfan sig."
- Ásta
       

 “Ó takk, elsku Hrafnhildur mín, minn andlegi einkaþjálfari. Þú átt stóran þátt í þessu ævintýri öllu saman”
  - Kristborg Bóel, höfundur bókarinnar 261 dagur

  "Fjarþjálfun hjá Hrafnhildi er svakalega flott framtak hjá skipulagðri og greinagóðri konu. Námsefnið er vel fram sett, bland af fræðslu og dæmisögum ásamt ítarlegu aukaefni. Svörin hennar Hrafnhildar hitta beint í mark og það er eins og hún þekki mann út og inn við lestur tölvupóstanna sem ég sendi til hennar. Ég mæli eindregið með Hrafnhildi og Andlegri einkaþjálfun"
 - Svanhvít

 “Andlega einkaþjálfunin hjá Hrafnhildi hefur breytt miklu í mínu lífi. Ég hef náð að “tækla” kvíða sem ég hef fundið fyrir í talsverðan tíma. Einnig hef ég lært að horfa inn á við, vera góð við sjálfa mig og standa með mér í því sem ég tek mér fyrir hendur. Þessi lærdómur verður til þess að ég er öruggari með sjálfa mig og get hrósað mér fyrir það sem ég geri vel"

 "Það hefur verið einstaklega hollt að fara í gegnum verkefnin sem Hrafnhildur leggur fyrir og maður þarf virkilega að takast á við sjálfan sig í gegnum þau. Mér hefur fundist gott að við ræðum saman einu sinni í mánuði, það veitir aðhald auk þess sem það er mjög gott að tala við Hrafnhildi. Það sem er hennar besti kostur er að hún er mjög fljót að greina og benda manni á hvað liggur að baki ákveðinni hegðun hjá manni sjálfum eða öðrum og hún gefur manni þannig aðra sýn á hlutina svo það verður auðveldara að takast á við þá og vinna sig frá þeim. Ég finn mikla breytingu á mér, ég var mjög föst í neikvæðum hugsunum og að rifja upp neikvæða upplifun, dvaldi mikið við þær hugsanir, hélt mig til hlés og dró mig inn í skel, inn í öryggi. Í dag finnst mér ég orðin einbeittari við allt sem ég er að fást við og hef öðlast ákveðna hugarró þannig að ég nýt þess að gera það sem ég er að gera þá stundina. Ég er farin að stíga fram úr skelinni og leyfa mér að blómstra og vera sýnileg. Ég mæli hiklaust með þjálfun sem þessari hjá Hrafnhildi því til að ná árangri með sjálfan sig þá er áhrifaríkast að vinna það hægt þétt yfir langt tímabil eins og hún býður upp á. Því á þessari vegferð rennur maður oft út af sporinu og fellur í gömlu gryfjurnar og þá er gott að hafa þessa þjálfun í farteskinu til að ná sér aftur upp á sporið og ná þá enn lengra en áður."

"Ég áttaði mig á við lestur þessara verkefna hvað ég er komin rosalega langt á þessum mánuðum sem við erum búnar að vinna saman. Um það leiti sem ég var að skilja, þá hafði ég svo litla trú á mér og var hreinlega ekki viss um að ég gæti staðið á eigin fótum, rekið heimili ein og hugsað um börnin mín. Í fyrrasumar fór ég ein erlendis og millilenti bæði á leiðinni út og á leiðinni heim. Ég var á barmi taugaáfalls inni á klósetti á meðan ég beið eftir flugi á áfangarstað. En ég gat þetta og þetta jók sjálfstraustið. Fjárhagurinn hefur lagast mikið á þessum tíma og mér finnst ég vera svo örugg og sjálfstæð þegar ég hef nóg. Ég hef ekki áhyggjur af því að það sé eitthvað sem ég get ekki gert sem mig langar að gera, en stundum þarf ég að gera það hægara og skipulagðara en áður vegna líkamlegra- og andlegra takmarkanna. En ég vinn með því í staðinn fyrir að ákveða að ég geti ekki neitt af því að ég sé vesalingur!"
- Björk

 „Það er enginn smá viðsnúningur á hálfu ári! Svona er vinnan okkar Hrafnhildur búin að róa mig og fá mig til að sjá hvað það er sem èg vil gera. Já ég segi vinnan okkar því þú hefur einstaka leið í nálgun þinni á verkefnunum og þú ert einlæg og ert virkilega að vinna þetta sniðið eftir einstaklingnum. Enginn hefur náð til mín eins og þú og útkoman er dásamlega glöð og sterk kona sem stendur með sjálfri sér"
 - Snjólaug       

 “Hvað þetta hefur verið áreynslulaust. Ég kveið fyrir því að taka Skype fundina með einhverjum sem ég þekkti ekki neitt, en Hrafnhildur er svo yndisleg og opin að þetta gengur allt hnökralaust fyrir sig. Samtalið flæðir alltaf og maður upplifir ekki að þetta sé á nokkurn hátt vandræðalegt"
- Þjóðbjörg