NÁM || NÁMSKEIÐ || BALÍ
Nám í andlegri einkaþjálfun
Ný önn hefst 20. apríl 2026
VILT ÞÚ VERÐA ANDLEGUR EINKAÞJÁLFARI?
Viltu koma í einstakt og árangursríkt nám, vera samferða okkur og öðrum dásemdar dömum í gegnum námið. Vera partur af hópi sem hefur það sameiginlegt að vera að dýpka sjálfan sig andlega og vera samferða á þessari dýrmætu andlegu vegferð.
Ný önn að hefjast í námi sem mun ekki aðeins breyta þínu lífi heldur einnig lífi annarra! En við verðum alltaf, að mínu mati, að byrja á okkur sjálfum fyrst. Ótrúlega fjölbreytt, djúpt og skemmtilegt 3ja anna nám sem leiðbeinir þér í þitt allra besta andlega form og hvernig á að miðla þeirri árangursríku nálgun áfram til annarra.
EINSTAKLEGA ÁRANGURSRÍKT!
“Ég hreinlega elska þetta nám og ég elska hvað ég er að læra og skilja mikið um sjálfa mig og fólk bara almennt, það er eitthvað svo mikið að opnast fyrir mér gagnvart lífinu almennt “
“Þetta nám breytti öllu hjá mér og opnaði á svo margt fallegt. Hrafnhildur kemur fram á svo fallegan og mennskan hátt og talar við mann sem jafningja. Þetta nám er svo rosalega fagmannlega sett upp, mjög skipulagt og skýrt. Svo skemmir ekki hvað þetta allt saman er ótrúlega skemmtilegt!”
– Rakel Sigðurðardóttir
ATVINNUTÆKIFÆRIÐ
Ef þú skoðar umhverfið þitt, eru margir í kringum þig í einhvers konar vanlíðan? Ef þú veltir því fyrir þér, af hverju ætli það séu svona margir með þunglyndi, kvíða, depurð, lágt sjálfsmat, félagsfælni, kulnun, áfallastreitu eða annað út í samfélaginu? Getur verið að það sem við erum að gera dagsdaglega, eins og að fylgja “óskrifuðum” kröfum samfélagsins, sé einfaldlega ekki að virka fyrir okkur lengur? Getur verið að ein af ástæðunum sé einnig að við höfum einfaldlega ekki fengið neina andlega leiðsögn? Engin kennsla í að læra inn á okkur sjálf og okkar innri kjarna? Enginn kennsla í tilfinningum eða í ólíkum lífsverkefnum sem geta bankað á dyrnar. Enginn kennsla hvernig við eigum að grípa okkur sjálf, hlúa að okkur sjálfum, hlusta á okkur sjálf (innri kjarna og innsæið). Enginn fræðir okkur um æskuna/áföllin og hversu gríðarleg áhrif hún hefur á allt okkar líf. Enginn kennir okkur á varnarkerfið okkar eða varnarviðbrögðin. Enginn kennir okkur að þekkja hugann okkar og skilja hann betur, hvernig við náum að temja drekann! Við fáum einfaldlega enga kennslu! En námið í andlegri einkaþjálfun mun kenna þér þetta allt saman og meira til. Djúpt og innihaldsríkt nám þar sem þú munt skilja sjálfan þig, aðra og lífið margfalt betur.
Það er svo mikil þörf fyrir andlega einkaþjálfara út í samfélagið, þar sem það er löngu kominn tími til að slík kennsla fari fram. Það er ekki eðlilegt að vera með langvarandi þunglyndi, kvíða, kulnun, félagsfælni, lágt sjálfmat eða annað, því það eru til ýmiss tæki og tól sem fólk veit almennt ekki af og þar kemur námið sterkt inn. Einstaklega árangursrík vegferð – engar skyndilausnir!
– Hvað eru margir starfandi einkaþjálfarar til taks þegar þú vilt koma þér í aukið líkamlegt form? En hvað eru margir andlegir einkaþjálfarar til taks þegar þú vilt koma þér í aukið andlegt form? Nefnilega! Það er ekkert jafnvægi þarna á milli og við ætlum að breyta því, þú og ég!
ÉG VIL SKRÁ MIG!
Skráningargjald: 50.000 kr. (óafturkræft)
Linkur fyrir greiðslu til að festa plássið strax!
https://buy.stripe.com/9B66oA1fn1uxcBY5tW8Zq0x
hrafnhildur@andlegeinkathjalfun.is
ER NÁMIÐ FYRIR MIG?
Ef þú svarar meirihlutanum játandi, þá er þetta eitthvað sem þú ættir virkilega að skoða nánar!
– Þú vilt koma þér í þitt allra besta andlega form, vinna úr fortíðinni fyrir þína fallegu framtíð
– Þú vilt öðlast aukið sjálfstraust, innri frið og hugarró?
– Þú finnur innra með þér að lífið er miklu meira virði en bara að vinna 9-17 og greiða reikninga?
– Þig dreymir um að starfa við að hjálpa öðrum að líða margfalt betur í sínu lífi
– Þig langar að búa til námskeið sem þú getur miðlað áfram til annarra
– Þú ert leitandi að tilganginum þínum eða réttri hillu í lífinu?
– Þú hefur upplifað erfiðleika í þínu lífi, kvíða, þunglyndi, krefjandi æsku, krefjandi samskipti, áföll, kulnun, vera týnd með sjálfan þig eða annað og gætir hjálpað öðrum í sömu sporum?
– Þig langar að byggja upp starfsframa sem gefur þér frelsi til að starfa hvar sem er í heiminum?
– Þig dreymir um að velja annað líf fyrir sjálfan þig heldur en það sem samfélagið ætlast til af þér?
– Þú vilt starfa sem andlegur einkaþjálfari og búa til árangursríkt námskeið í andlegri einkaþjálfun?
– Þú vilt skilja eitthvað gott eftir þig í þessum heimi
Framtíðin er þín!
UMSAGNIR
“Þetta er besta gjöfin sem ég hef gefið sjálfri mér, ég elska þetta nám og þessa kennara þvílíkir gullmolar sem þær eru og Hrafnhildur á stærsta og mesta hrós skilið fyrir frábæra uppsetningu á náminu. Ég var orðin rosalega andlega þreytt þegar að ég skráði mig í þetta nám, ég var að týna sjálfri mér í hugsunum mínum og leyfði huganum að taka yfir ég var hætt að stjórna, hugsanirnar stjórnuðu mér en í dag stjórna ég og þvílíkur munur. Ég hef náð órtúlega góðum árangri með hugsanir mínar, gleðina, jákvæðnina, þakklætið og kærleikinn en það besta er að ég lærði að elska sjálfa mig og þá get ég gefið svo miklu meira af mér. Það hefur orðið mikil breyting á mér á stuttum tíma og í dag er ég þakklát fyrir allar þær hindranir sem orðið hafa á vegi mínum í gegnum lífið og ég hef fyrirgefið bæði þeim og sjálfri mér því án allra þessara erfiðleika væri ég ekki hér í dag standandi upprétt með hendur upp í loft og með kreppta hnefa eins og sannur sigurvegari öskrandi af gleði. “
– Íris Fönn
“Þegar ég skráði mig í nám í andlegri einkaþjálfun óraði mig ekki fyrir þeirri breytingu sem átti eftir að gerast í mínu lífi. Ég er svo óendanlega þakklát kennurunum okkar sem eru svo innilega dásamlegar, og þá sérstaklega Hrafnhildi fyrir að hafa lagt í þetta risa verkefni að setja þetta nám saman, án hennar væri ég ekki á þeim stað sem ég er á í dag. Það er svo dýrmætt að getað fyrirgefið og mætt hverjum degi með jákvæðni og gleði og læra að elska lífið og sjálfa mig. Að finna fyrir allri þeirri ást, hamingju og kærleik sem umvefur mig alla daga er svo magnað og getað dregið lærdóm af öllum þeim hindrunum sem hafa verið lagðar fyrir mig í lífinu, þetta lærði ég einfaldlega með þeim verkfærum sem mér voru rétt í þeirri andlegu vegferð sem ég lagði af stað í, þegar ég tók eina af bestu ákvörðun sem ég hef nokkurn tíma tekið. “
– Sonja
“Ég ákvað að fara í nám í Andlegri einkaþjálfun þar sem ég sá það auglýst á samfélagsmiðlum. Þarna væri kærkomið tækifæri fyrir mig að vinna í sjálfri mér og ég sá strax að þetta var eitthvað sem ég gæti nýtt mér þar sem þetta er nám sem þekur þrjár annir og að þannig gæti ég unnið í sjálfri mér og með sjálfa mig í lengri tíma en í einhverju helgarnámskeiði. Það er góð ákvörðun að velja nám í Andlegri einkaþjálfun og bónusinn er að kynnast svo mörgum sem eru á sömu leið í lífinu. Ég mæli eindregið með því að leita til Hrafnhildar hvort sem það er í námi eða bara að nýta sér hennar kosti sem meðferðaraðila í Andlegri einkaþjálfun því við þurfum öll á því að halda að vera í góðu formi bæði andlega og líkamlega“
– Svava Bjarnadóttir
“Ég er búin með fyrstu önnina mína í að verða andlegur einkaþjálfari en fyrir rúmu ári síðan kláraði ég árs vinnu í andlegri einkaþjálfun hjá Hrafnhildi. Ég er ótrúlega þakklát fyrir að fá að fara í gegnum þetta ferli aftur, en í fyrra skiptið kom ég inn með ákveðið verkefni sem ég þurfti að vinna í og vinnan sem ég vann hefur svo sannarlega bætt lífið. Núna fer ég í gegnum þetta ferli á annan hátt þar sem ég er ekki að einblína bara á eitthvað eitt verkefni heldur bara að auka hamingjuna og vonandi get ég í framhaldinu hjálpað öðrum að líða betur. Hrafnhildur er einstök. Hún hjálpar manni að horfa á lífið út frá öðrum hliðum og hvernig maður sjálfur getur bætt líðan sína og aukið sína hamingju. Andleg einkaþjálfun er eitthvað sem allir ættu að skoða því andlega heilsan okkar er ekki síður mikilvæg en líkamleg heilsa. Maður þarf ekki að vera að ganga í gegnum erfiðleika til þess að að fara í gegnum andlega einkaþjálfun heldur bara til þess að auka lífsgæði og hamingju sína.“
– Arna
“Nám í andlegri einkaþjálfun hjá Hrafnhildi hefur gefið mér kraft og verkfæri til þess að finna sjálfa mig á ný. Áður en ég hafði samband við Hrafnhildi var ég komin svo langt frá mínu sjálfi að ég þekkti mig ekki lengur og fann lítinn tilgang í lífinu annan en að hugsa um aðra. Í dag set ég mig í forgang. Að rækta andlegu hliðina er besta gjöfin sem ég hef gefið sjálfri mér.”
– Rósa Líf
Fleiri umsagnir má finna hér:
Ég vil skrá mig í nám í andlegri einkaþjálfun
Sendu póst á: hrafnhildur@andlegeinkathjalfun.is
Ég tek vel á móti þér!
Knús,
Hrafnhildur
KENNARAR || ANDLEGIR LEIÐBEINENDUR
Ég heiti Katrín Kristinsdóttir og er þriggja barna móðir að norðan.
Ég er menntaður hjúkrunarfræðingur og andlegur einkaþjálfari.
Ég hef unnið við að hjálpa fólki í mjög langan tíma og þegar ég byrjaði í andlegri einkaþjálfun fann ég strax hvað það átti vel við mig og hversu frábær viðbót það væri með hjúkruninni. Í dag gæti ég vel hugsað mér að vinna eingöngu sem Andlegur einkaþjálfari. Að finna gleðina og orkuna sem fylgir því að hjálpa öðrum að byggja sig upp andlega er svo dásamlegt.
Ég heiti Erna Ósk og er andlegur einkaþjálfi, jóga kennari og art þjálfi ( aggression replacement training) Èg brenn fyrir að deila visku minni, leiðbeina öðrum og hjálpa fólki að líða betur. Öll sú viska sem ég hef vil ég deila með öðrum svo þeir geti notið góðs af . Ég hef öðlast margskonar þekkingu í gegnum lífið, bæði góða og slæma sem nýtist mér sem verkfæri í dag. Námið í andlegri einkaþjálfun færði mér verkfærin til að nýta reynsluna mína til góðs. Námið færði mér töfra, ég sé lífið með öðrum augum og allir erfiðleikar eru miklu þægilegri með verkfærin og viskuna sem nýtist mér til æviloka.
Svava Bjarnadóttir Andlegur einkaþjálfari
Leiðsögn með kærleika og tilgangi
Ég var í fyrsta hópnum sem útskrifaðist hjá Hrafnhildi í janúar 2021. Undanfarin ár hef ég tekið á móti fólki sem vill styrkja sitt eigið sjálf, finna innri ró og trúa á það góða í eigin fari og þá sem vilja breytingar til betra lífs. Hvort sem þú ert að glíma við breytingar í lífi þínu, vinna úr áföllum eða þú vilt hreinlega breyta um stefnu til vaxtar þá er Andleg einkaþjálfun það sem þú þarft á að halda. Ég trúi því að innra með hverjum og einum búi kraftur til að laða fram breytingar og vakningar til ánægjulegra lífs en við þurfum stundum einhvern til að styðja okkur á leiðinni til þess að uppgötva og virkja kraftinn.