HVAÐ ER ANDLEG EINKAÞJÁLFUN?
Andleg einkaþjálfun er 12 mánaða námskeið sem fer alfarið fram í gegnum netið og miðar að því að koma þér í þitt allra besta andlega form. Þú getur því sinnt þjálfuninni hvar sem er í heiminum og þegar hentar þér. Ótrúlega magnað andlegt ferðalag, þar sem þú færð nýja sýn á sjálfan þig, aðra og lífið almennt. Engar skyndilausnir (sem virka ekki) heldur markviss innri vinna sem skilar langvarandi árangri!
Andleg einkaþjálfun er bæði fyrir konur og karla sem vilja ná tökum á sinni líðan. Andlega þjálfunin er fyrir þá sem eru virkilega tilbúnir að leggja upp í þessa andlegu vegferð og gera breytingar á sínu lífi.
Þjálfunin hentar þér ef þú ert að upplifa eða hefur upplifað:
– áföll í þínu lífi
– vanlíðan
– þunglyndi, depurð
– kvíða
– kulnun
– neikvæðan huga / ofhugsanir / þráhyggju / afbrýðissemi
– sambandsslit / ástarsorg
– reiði, pirring, gremju
– krefjandi einstaklinga / erfið samskipti
– að vera týnd/ur eða leitandi í lífinu
– að finnast þú ekki hafa sterkan tilgang
– að finnast þú ekki vera á réttri hillu í lífinu
– ert með lágt sjálfstraust
– ert að efast um eigið ágæti
– ert með sjálfsniðurrif
– að vera búin/n að vanrækja sjálfan þig alltof lengi
– listinn er langur!
12 mánaða andlega einkaþjálfunin vinnur með allt sem kemur fram hér að ofan!
HVER ÞARF ANDLEGAN EINKAÞJÁLFARA?
Allir þeir sem vilja koma andlegu hliðinni í betra form. Ekki sóa þínum dýrmæta tíma og eyða mörgum vikum, mánuðum eða jafnvel árum í að tækla sjálfsræktina sjálf/ur. Fara á eitt örnámskeið hér og eitt örnámskeið þar, lesa eina bók hér eða þar, heldur gefa þér þá gjöf að hefja markvissa andlega þjálfun með leiðbeinanda sem er fljótur að átta sig á hvaða leið þú þarft að fara og þannig ná langvarandi árangri.
Hrafnhildur hefur yfir 9 ára reynslu sem andlegur einkaþjálfari og hefur stúderað þetta efni afar vel þar sem hún var sjálf að eiga við allskonar í sínu líf. Þegar hún leitaði á sínum tíma sjálf eftir aðstoð var hún að eiga við: kvíða, þunglyndi (meðgönguþunglyndi/skammdegisþunglyndi), depurð, var með 20 kg. af æsku á sínum herðum, átti í krefjandi samskiptum við vissa aðila í sínu lífi og var almennt mjög týnd með sjálfan sig og leitandi að tilganginum sínum. Hún stóð á þeim stað að hafa ekki minnstu hugmynd hvert maður leitar, hvað maður les, horfir á eða hvaða verkefni hentar hverju sinni eða í hvaða röð best er að sinna sjálfsræktinni og hóf því leitina að svörum til að koma sér í sitt allra besta andlega form.
Hún hefur því á undanförnum árum útbúið prógram sem er sett upp á vissan hátt og í “réttri” röð til að þú náir sem mestum árangri, náir að kveðja fortíðina, sættast við sjálfan þig, ná betri tökum á huganum, kynnast þér betur og takir því meðvitaðri ákvarðanir fyrir sjálfan þig sem munu færa þig á betri stað. Þú munt fara að sjá sjálfa þig, aðra og lífið í öðru ljósi.
GET ÉG PRÓFAÐ EINN MÁNUÐ OG SÉÐ SÍÐAN TIL?
Þú getur bókað stakan tíma, sem er í allt að 90 mínútur í senn og fer fram í gegnum Google Meet (eða Messenger). Í þeim tíma leiðbeinir hún þér eftir fremsta megni með það sem þú ert að eiga við í þínu lífi. Þannig getur þú prófað einn tíma (mánuð) og fengið betri tilfinningu hvort þið eigið samleið. Eftir hvern tíma ertu skilin/n eftir með fróðleik, verkefni og það sem hún telur að þú þurfir að grúska í til að ná betri tökum á því sem þú ert að eiga við í þínu lífi og kom fram í tímanum.
Það er því miður ekki hægt að prófa einn mánuð af námskeiðunum. Ástæðan er einfaldlega sú að námskeiðin eru byggð upp á ákveðinn hátt og fyrsti mánuðurinn gefur ekki skýra mynd af því hvernig námskeiðið er í heild sinni, því við erum að styrkja grunninn / stoðirnar í fyrsta mánuðinum og það er bara hreinlega líklegt að þú viljir hlaupa hratt í hina áttina, þegar óþægilegar tilfinningar mæta á svæðið. Við erum ekki vön að hrófla svona í málunum og það getur verið krefjandi, því er ráðlagt að koma á námskeiðin í andlegri einkaþjálfun með því hugarfari að leyfa námskeiðinu að koma örlítið á óvart og fara í gegnum allt ferlið. Þar gerast töfrarnir þegar við náum að yfirstíga hindranirnar sem koma á veginum og ekki gefast upp á leiðinni. Þessi andlega vegferð getur verið krefjandi en er um leið mjög skemmtileg og algjörlega þess virði.
Hægt er að bóka 30 mínútna kynningartíma fyrir 12 mánaða námskeiðin og fyrir námið í andlegri einkaþjálfun. Sá tími er ætlaður til að svara öllum spurningum varðandi námskeiðin eða námið og fyrir viðkomandi að máta hvort þessi nálgun henti sér.
*ekki er farið í nein mál úr þínu lífi, heldur eingöngu um kynningartíma að ræða.
Til að bóka frían kynningartíma endilega sendu tölvupóst á hrafnhildur@andlegeinkathjalfun.is
GREIÐSLUMÖGULEIKAR
Ýmsir greiðslumöguleikar í boði og best að hafa samband beint við Hrafnhildi til að ræða betur um greiðslufyrirkomulag
hrafnhildur@andlegeinkathjalfun.is
* 10 % staðgreiðslu afsláttur (ekki af stökum tíma)
* Mæli með að kanna niðurgreiðslu námskeiðsins hjá þínu stéttafélagi
Karlar
12 mánaða andleg einkaþjálfun
Heildarverð: EUR: 2.000 - ISK 298.800 kr.
Mánaðargreiðsla: EUR: 165 - 24.900 kr. (í 12 mánuði)
HVAÐ ER INNIFALIÐ?
12 mánaða námskeið fyrir karla.
Innifalið:
– 12 mánaða aðgangur að leiðbeinanda í gegnum tölvupóst
– einkatímar í gegnum netið
– 60 mín. einkatími einu sinni í mánuði sem fer fram í gegnum Google Meet/Messenger
– 12 mánaða stuðningur og hvatning frá leiðbeinanda
– Aðgangur að ótal verkefnum á innri vef
– Aðgangur að mikilvægum fróðleik á innri vef
– Persónuleg nálgun, leiðbeinandi deilir einnig reynslusögum úr sínu lífi
– Aðhald allan þjálfunartímann
– Öll gögn: Allan þjálfunartímann færðu mikilvægan fróðleik, verkefni, hljóð- og vídjóupptökur, ásamt hugmyndum af bókum, bíómyndum, fyrirlestrum og ótal mörgu öðru til að vinna með.
– Það er enginn tímarammi í sjálfsrækt (þó að námskeiðið er í 12 mánuði) – Þú ferð þetta á þínum tíma og á þínum hraða!
Meira um námskeiðið - https://andlegeinkathjalfun.is/fyrir-karla/
Konur
12 mánaða andleg einkaþjálfun
Heildarverð: EUR: 2.000 - ISK 298.800 kr.
Mánaðargreiðsla: EUR: 165 - 24.900 kr. (í 12 mánuði)
12 mánaða námskeið fyrir konur.
Innifalið:
– 12 mánaða aðgangur að leiðbeinanda í gegnum tölvupóst
– einkatímar í gegnum netið
– 60 mín. einkatími einu sinni í mánuði sem fara fram í gegnum Google Meet/Messenger
– 12 mánaða stuðningur og hvatning frá leiðbeinanda
– Aðgangur að ótal verkefnum á innri vef
– Aðgangur að mikilvægum fróðleik á innri vef
– Persónuleg nálgun, leiðbeinandi deilir einnig reynslusögum úr sínu lífi
– Aðhald allan þjálfunartímann
– Öll gögn: Allan þjálfunartímann færðu mikilvægan fróðleik, verkefni, hljóð- og vídjóupptökur, ásamt hugmyndum af bókum, bíómyndum, fyrirlestrum og ótal mörgu öðru til að vinna með.
– Það er enginn tímarammi í sjálfsrækt (þó að námskeiðið er í 12 mánuði) – Þú ferð þetta á þínum tíma og á þínum hraða!
Fyrir konur
Kennaranám í andlegri einkaþjálfun
Heildarverð: EUR: 4.000 - 590.000 kr. ( 3ja anna nám)
Staðfestingargjald: EUR 350 - ISK: 50.000 kr. (til að festa pláss við skráningu og er óafturkræft)
Hægt að skipta greiðslum niður á alla kanta og mest með 15 mánaða greiðsludreifingu
*10% staðgreiðslu afsláttur
*Mörg stéttafélög niðurgreiða námskeiðsgjöld (fer eftir stéttafélögum og inneign viðkomandi)
Hér eru frekari upplýsingar um námið
Nám
SKRÁNING: hrafnhildur@andlegeinkathjalfun.is
ER HÆGT AÐ FÁ STAKAN TÍMA?
Já, það er svo sannarlega hægt.
Stakur tími í andlegri einkaþjálfun
Verð: EUR 165 - 24.900 kr. (90 mínútur)
*Þú kemur með í tímann það sem þér liggur á hjarta og færð leiðsögn í tímanum, eftir tímann færðu sendan til þín lítinn kafla með fróðleik, verkefnum, hugmyndum af bókum, bíómyndum og fyrirlestrum sem verður valið sérstaklega fyrir þig til að kíkja betur á að loknum tíma. Þar með getur þú haldið áfram að grúska í mikilvægum fróðleik eftir tímann.
ERTU MEÐ NÁMSKEIÐ FYRIR KARLMENN?
Já, heldur betur. Ég býð upp á 12 mánaða andlega einkaþjálfun fyrir karlmenn. Námskeið sem er stútfullt af mikilvægum fróðleik, verkefnum, hljóð- og vídjó upptökum… allt til þess gert að byggja viðkomandi upp og í sitt allra besta andlega form.
ERTU MEÐ NÁMSKEIÐ FYRIR BÖRN OG UNGLINGA?
Ég er ekki með sérstakt námskeið fyrir börn og unglinga, hins vegar henta námskeiðin jafnt ungum sem öldnum.
ERTU MEÐ FRÍAN KYNNINGARTÍMA?
Já, hægt er að bóka 30 mín spjall um námskeiðin 12 mánaða námskeiðin og námið í andlegri einkaþjálfun, en ekki er hægt að fá kynningartíma um minni námskeið eða stakan tíma.
Sendu póst á hrafnhildur@andlegeinkathjalfun.is ef þú vilt bóka 30 mín. frían kynningartíma.
ERTU SÁLFRÆÐINGUR?
Nei, ég er ekki sálfræðingur og það er ekki hægt að bera þetta tvennt saman. Andleg einkaþjálfun er ólíkt því sem sálfræðingar bjóða upp á.
Ef þú vilt nálgun með klínískum leiðbeiningum, greiningu, lyf eða ert með alvarleg andleg veikindi þá hvet ég þig til að hafa samband strax við sálfræðing/geðlækni eða þinn heimilislækni.
ER ANDLEG EINKAÞJÁLFUN EITTHVAÐ LÍKT MARKÞJÁLFUN?
Nei, andleg einkaþjálfun er ekki líkt markþjálfun að ótal mörgu leyti. Um tvo afar ólíka valkosti er að ræða. Andleg einkaþjálfun er mun dýpri nálgun þar sem við byrjum á stað sem mjög fáir byrja á, en það er áður en þú fæddist inn í þennan heim. Síðan vinnum við markvisst þaðan upp og byggjum ofan á.
HVAÐ ERTU MENNTUÐ?
Ég er leiðbeinandi í þerapíunni “Lærðu að elska þig” eftir Guðbjörgu Ósk Friðriksdóttur
Háskóli Íslands - Viðskipta kínverska ( 1 ár )
Háskólinn í Reykjavík - Viðskiptafræði (2,5 ár)
-Bsc ritgerð: Mikilvægi menningarlæsis fyrir viðskipti milli Íslands og Kína
AF HVERJU ERU NÁMSKEIÐIN SVONA LÖNG?
Námskeiðin eru í 12 mánuði af ástæðu, því við erum yfirleitt að vinna okkur út úr margra ára gömlu (og löngu úreltu) hugsana- og hegðunarmynstrum og það tekur tíma að snúa því við. Ég trúi ekki á skyndilausnir (í einu né neinu) og ef við viljum sjá langvarandi árangur og snúa breytingunum yfir í nýjan lífsstíl að þá verðum við að gefa okkur tíma og fara í gegnum allt ferlið. Markmiðið er að þú náir langvarandi árangri og vellíðan. Lengdin á námskeiðunum er lykillinn að árangrinum.
BÝÐUR ÞÚ UPP Á KENNARANÁM Í ANDLEGRI EINKAÞJÁLFUN?
Já, ég býð upp á kennaranám í andlegri einkaþjálfun
Um er að ræða þriggja anna nám sem gefur þér sjálfsöryggi til að leiðbeina öðrum að sjá sjálfan sig, aðra og lífið almennt í algjörlega nýju ljósi. Við þurfum fleiri andlega einkaþjálfara svo við getum í sameiningu hækkað orkuna í heiminum með því að kenna fleirum að lifa sínu lífi í gleði og vellíðan. En við þurfum auðvitað alltaf að byrja á okkur sjálfum fyrst áður en við ætlum að leiðbeina öðrum.
Hvað eru margir einkaþjálfarar tilbúnir þegar þú vilt koma þér í líkamlegt form? En hvað eru margir einkaþjálfarar tilbúnir þegar þú vilt koma þér í andlegt form? Nákvæmlega! Það er ekkert jafnvægi þarna á milli og því ætlum við að breyta, þú og ég!
Meira um námið hér https://andlegeinkathjalfun.is/namskra/
Hafðu samband fyrir frekari upplýsinga
hrafnhildur@andlegeinkathjalfun.is
ERU NÁMSKEIÐIN EINGÖNGU NETNÁMSKEIÐ?
Já, námskeiðin fara öll fram í gegnum netið.
Þú færð aðgang að innri vef sem er stútfullur af mikilvægum fróðleik, verkefnum, hljóð- og vídjó upptökum, hugmyndum að bókum, bíómyndum, fyrirlestrum og fleira. Námskeiðin eru mjög auðveld og aðgengileg í notkun. Einkatímarnir fara síðan fram í gegnum Messenger / Google Meet
HVERNIG ER ANDLEG EINKAÞJÁLFUN BYGGÐ UPP?
Námskeiðin eru byggð upp á vissan hátt og við byrjum á byrjuninni. Við getum ekki byggt hús og byrjað á þakinu og það á alveg jafn mikið við um sjálfsrækt. Því ef við ætlum alltaf bara að tækla yfirborðið og núverandi vandamál að þá verða engar róttækar breytingar og við höldum áfram að viðhalda sömu hugsana- og hegðunarmynstrum. Við byrjum því á því að byggja sterkan grunn og byggjum síðan markvisst ofan á þann grunn, einn mánuð í einu.
Við förum í gegnum nánast allt sem viðkemur lífinu sjálfu:
– kíkjum á fortíðina / æskuna
– Kíkjum á hugann þinn og hegðun
– Skoðum hvaða breytingar þú vilt sjá á næstkomandi mánuðum
– kíkjum á sjálfstýringuna sem þú ert yfirleitt algjörlega ómeðvituð/ómeðvitaður um
– Förum vel yfir alla “trigger” punktana þína og af hverju sumt fólk er með meistaragráðu í þeim
– Þú lærir betur inn á þinn eigin huga og færð tæki og tól til þess að ná betri tökum á honum
– Þú lærir að samþykkja sjálfan þig og elska þig skilyrðislaust
– Þú kynnist þér betur, hver þú ert, hvert þú ert að stefna, hvað þú vilt og svo framvegis
– Þú færð aukna hugarró
– Leyfir þér að dreyma stærra og setja draumana þína í framkvæmd
– …og svo margt, margt fleira.
Námsefnið miðar að því að koma þér í þitt allra besta andlega form og þú færð einn mánuð í einu til að vinna með. Alltaf nýr fróðleikur með nýjum áhugaverðum og skemmtilegum verkefnum.
Er námið í andlegri einkaþjálfun viðurkennt?
Nei, námið er ekki viðurkennt af Menntamálastofnun.
Ég myndi svo sannarlega ekki láta það stoppa mig ef þú finnur í kjarnanum þínum að þetta nám er fyrir þig. Í andlega heiminum viljum við meira að segja fara fjær "menntasnobbi" og að þurfa að skreyta okkur með titlum (egó). Þú þarft ekki samþykki frá Menntamálaráðuneytinu til að vera frábær andlegur einkaþjálfari og fara af stað með það að leiðarljósi að leiðbeina öðrum í átt að betri líðan.
