✨UMSÖGN ✨
Mikið er ég heppin að fá að vera lítill partur af andlegri vegferð þeirra sem koma til mín í andlega þjálfun

Þessi yndislega kona er hjá mér í 9 mánaða andlegri þjálfun, hún blandaði saman einkaþjálfun og fjarþjálfun. Eftir 6 mánaða andlega þjálfun hafði hún þetta að segja um sína vegferð.


„Ég byrjaði í andlegri einkaþjálfun fyrir 6 mánuðum síðan og hefur líðan mín gjörbreyst til hins betra á þeim tíma. Sjálfstraustið hefur stóraukist, ég ber meiri virðingu fyrir sjálfri mér og ég elska mig meira en áður. Ég finn mikla breytingu í samskiptum mínum við aðra og finnst þau auðveldari vegna þess að ég hef skýr mörk. Þetta er klárlega besta gjöf sem ég hef gefið sjálfri mér.“"




✨UMSÖGN ✨
Eftir 3 mánuði (af 6) í andlegri fjarþjálfun.

"Það hefur verið einstaklega hollt að fara í gegnum verkefnin sem Hrafnhildur leggur fyrir og maður þarf virkilega að takast á við sjálfan sig í gegnum þau. Mér hefur fundist gott að við ræðum saman einu sinni í mánuði, það veitir aðhald auk þess sem það er mjög gott að tala við Hrafnhildi. Það sem er hennar besti kostur er að hún er mjög fljót að greina og benda manni á hvað liggur að baki ákveðinni hegðun hjá manni sjálfum eða öðrum og hún gefur manni þannig aðra sýn á hlutina svo það verður auðveldara að takast á við þá og vinna sig frá þeim. Ég finn mikla breytingu á mér, ég var mjög föst í neikvæðum hugsunum og að rifja upp neikvæða upplifun, dvaldi mikið við þær hugsanir, hélt mig til hlés og dró mig inn í skel, inn í öryggi. Í dag finnst mér ég orðin einbeittari við allt sem ég er að fást við og hef öðlast ákveðna hugarró þannig að ég nýt þess að gera það sem ég er að gera þá stundina. Ég er farin að stíga fram úr skelinni og leyfa mér að blómstra og vera sýnileg. Ég mæli hiklaust með þjálfun sem þessari hjá Hrafnhildi því til að ná árangri með sjálfan sig þá er áhrifaríkast að vinna það hægt og þétt yfir langt tímabil eins og hún býður upp á. Því á þessari vegferð rennur maður oft út af sporinu og fellur í gömlu gryfjurnar og þá er gott að hafa þessa þjálfun í farteskinu til að ná sér aftur upp á sporið og ná þá enn lengra en áður."




Hún Ásta gaf 3 mánaða fjarþjálfun umsögn

Er komið að þér að líða betur?
Hafðu samband ef þú vilt hefja þína andlegu vegferð!
hrafnhildur@andlegeinkathjalfun.is




Hún yndislega Kolbrún er hjá mér í 9 mánaða andlegri þjálfun (hún blandaði saman einkaþjálfun og fjarþjálfun).
Eftir aðeins 3 mánuði hafði hún þetta að segja um þjálfunina

hrafnhildur@andlegeinkathjalfun.is




Hver verður þín besta ákvörðun árið 2019?

Langar þig að líða betur, efla sjálfstraustið, minnka sjálfsniðurrifið eða einfaldlega setja þitt líf í þínar eigin hendur?

Þessi dásamlega kona er búin að vera hjá mér í 4 mánuði af 12 í andlegri einkaþjálfun.

"Nú er komið að lokum ársins 2018 og ég verð að segja að besta ákvörðun sem ég gat tekið á því ári var að hefja andlega einkaþjálfun. Ég er svo þakklát fyrir að hafa kynnst þessu efni og fyrir þína handleiðslu, Hrafnhildur. Fyrstu vikur og mánuði þessa þjálfunar var ég örvæntingarfull og vondauf um að þetta væri það sem myndi hjálpa mér. Ég vildi sjá árangurinn strax og hafa fullvissu um að ég væri að gera rétt. Ég veit að ég á enn langt í land og er bara að stíga mín fyrstu skref í þessari leit minni að mínum innsta kjarna og að uppfylla minn tilgang hér á jörð. Samt sem áður hefur kviknað innra með mér ný von og bjartsýni fyrir því að ég muni finna það sem ég leita að og komast á stað innra með mér sem mig hefði ekki órað fyrir áður. "
hrafnhildur@andlegeinkathjalfun.is




UMSÖGN

"Að fara til Hrafnhildar á mínum tíma í lífinu breytti öllu.
Var leitandi að betri líðan og fannst ég ekki fá það sem ég þurfti út úr "venjulegum" sálfræði heimsóknum.
Framfarir fóru fljótt að bera að í líðan þar sem bæði heimsóknirnar, verkefnin og lestur lét mig sjá hlutina í öðru ljósi.
Hrafnhildur hefur hlýja nærveru sem og uppörvandi vikupóstar héldu mér við efnið.
Í dag þekki ég sjálfan mig betur og er betur í stakk búin fyrir verkefni lífsins, enda opnaði þjálfunin fyrir mér nýjan heim. Endalaust þakklát fyrir að fá hana inn í líf mitt á þessari stundu. Mæli 100% með þjálfun hjá Hrafnhildi ❤️"

Elsku Brynja mín, takk kærlega fyrir þessa fallegu umsögn.
❤️




Andleg þjálfun slf. hefur gert samning við Borgun og býður nú upp á greiðsludreifingu og greiðslu með kreditkorti.

Hafðu samband til að fá frekari upplýsingar

hrafnhildur@andlegeinkathjalfun.is




Hún yndislega Þjóðbjörg er hjá mér í 9 mánaða fjarþjálfun.

Hún finnur mikinn mun á sér nú þegar eftir aðeins 3 mánuði í andlegri fjarþjálfun!

Er komið að þér að líða betur?

Hafðu samband strax í dag og byrjaðu þína eigin vegferð að betri líðan.

hrafnhildur@andlegeinkathjalfun.is




Ég held að ég sé í besta starfi í heimi!

Þakklát að fá hana Svanhvíti til mín í 3ja mánaða fjarþjálfun og fá að vera örlítill partur af hennar andlegu vegferð. Algjörlega yndislegt! 🙏

Umsögn Svanhvítar

"Fjarþjálfun hjá Hrafnhildi er svakalega flott framtak hjá skipulagðri og greinagóðri konu. Námsefnið er vel fram sett, bland af fræðslu og dæmisögum ásamt ítarlegu aukaefni. Svörin hennar Hrafnhildar hitta beint í mark og það er eins og hún þekki mann út og inn við lestur tölvupóstanna sem ég sendi til hennar 😊 Ég mæli eindregið með Hrafnhildi og Andlegri einkaþjálfun."

Takk kæra Svanhvít

Skráning í fjarþjálfun: hrafnhildur@andlegeinkathjalfun.is


"Mig langar til þess að segja ykkur frá konunni sem átti stóran þátt í því að koma mér á lappirnar á sínum tíma, henni Hrafnhildi minni hjá Andlegri einkaþjálfun, en hún var einmitt að opinbera glænýja síðu fyrir starfsemi sína á dögunum.

Ég hef sagt frá því í viðtölum síðustu vikur að ég botni ekki í því hvernig í andskotanum ég fór að því að halda dagbók á þessum skelfilega tíma, en í rauninni var þó ekkert sem hjálpaði mér meira.

Dagana áður en Hrafnhildur féll niður úr skýjunum í rúmið til mín var ástandið sirka svona, en þetta er bein tilvitnun úr bókinni;

„Ligg bara eins og sært dýr sem nær ekki að standa upp. Græt stanslaust. Ég get ekkert. Ekkert annað en að liggja og stara út í loftið. Örmagna af allskyns hugsunum sem ég ræð ekki við frekar en ég væri að reyna að verkstýra 70 manns í tælensku þvottahúsi. Fæ ekki einu sinni frí yfir blánóttina. Rétt dotta nokkrar mínútur hér og þar en vakna upp grátandi, kófsveitt og með púlsinn í 200.“

Ég segi svo frá því þegar ég var að vafra um Facebook, nánast án meðvitundar, þegar upp poppar tillaga að síðu; Andleg einkaþjálfun, en Hrafnhildur ber einmitt nafnið Andlegi einkaþjálfarinn í bókinni.

„Sendi línu án þess að hugsa. Heyri aftur í lækni, líður svo óbærilega að ég hræðist gjörðir mínar. Hann segir að það sé allt í lagi að ég noti róandi töflurnar eins og þarf meðan ég er að komast yfir erfiðasta hjallann. Ég geri það og dorma í hálfgerðu móki.“

Til að gera langa sögu stutta hafði Hrafnhildur samband um hæl og hóf á mér „akút-meðferð“. Hrafnhildur rétti mér verkfæri og kenndi mér aðferðir sem hreinlega miðuðu að því að koma mér í gegnum hvern og einn dag á þessum tíma.

Andlega einkaþjálfun Hrafnhildar byggir hún á þerapíunni Lærðu að elska þig sem hönnuð er af Ósk Friðriksdóttur sem hefur verið búsett á Bali í mörg ár. Ósk ber nafnið Miss Bali í bókinni.

Á síðu Hrafnhildar, Andleg einkaþjálfunin – segir hún þjálfunina vera sniðna fyrir alla þá sem vilja leiðsögn og gott aðhald við að koma sér á betri stað andlega og í lífinu almennt.

Á síðu Óskar segir að um sé að ræða einstaklingsmaða þjálfun, fróðleik og verkefni þar sem kenndar eru aðferðir sem stuðla að jákvæðara sjálfsmati, auknu sjálfsöryggi, ánægjulegri lífssýn og meiri lífsgæðum.

Já, takk, hver vill það ekki?

Síðar fór ég svo sjálf til Bali til þess að tileinka mér fræðin enn frekar, en það er seinni tíma saga.

Gott andlegt form skiptir ekki síður mál en það líkamlega og er ein besta fjárfesting sem þið getið gefið ykkur sjálfum. Ég mæli með að þið kynnið ykkur málið hjá mínum konum.

P.s. forsíðumyndin er af Andlega einkaþjálfaranum fljúgandi."